बैंक सखी मन ह 22 हजार पेंशनर मन ल पहुंचाइन राहत
रायपुर, 13 मार्च 2020। राज्य शासन के पंचायत अउ ग्रामीण विकास विभाग कोति ले बैंक सखी मन के माध्यम ले राज्य के पेंशनधारी सियान, दिव्यांग अऊ गंभीर रूप ले बीमार पेंशनर मन ल ऊंखर घर पहुंचके पेंशन के पइया देहे जात हे। इही कड़ी म सरगुजा जिला के 402 ग्राम पंचायत मन बर नियुक्त 69 बैंक सखी मन कोति ले अब तक 21 हजार 897 पेंशन हितग्राही मन ल 3 करोड़ 17 लाख रूपिया के पेंशन राशि के घर-घर जाके भुगतान करके बुजुर्ग, दिव्यांग अउ बीमार पेंशनर मन ल राहत पहुंचाए गए हे।
हम आप ल बता देवन के राज्य ग्रामीण आजीविका मिशन (बिहान) के तहत महिला स्व-सहायता समूह मन के पढ़े-लिखे सदस्य मन ल कई ठन बैंक मन म प्रशिक्षण के माध्यम ले बैंकिंग प्रक्रिया के जानकारी देहे जाथे।
