गौरेला, 23 दिसम्बर 2020। जिला के खोडरी वन परिक्षेत्र के मुसियारी घाट के तिर मगंलवार के एक भालू ह ग्रामीण ऊपर हमला कर दीस। गंभीर हालत म ओला अस्पताल ले जाए गिस, लेकिन रस्ता म ही ओखर मउत होगे।
गौरेला थाना प्रभारी नरेंद्र सिंह ले मिले जानकारी के अनुसार कटघोरा म इही भालू ह एक महिला ल मार डले रिहिस। हिंसक होए के सेती भालू ल रेस्क्यू करे के निर्णय ले गिस। कटघोरा वनमंडल ले रेस्क्यू करके सोमवार के रात भालू ल गौरेला के जंगल म छोड़े गए रिहिस। ओ बिहनिया ले आतंक मचाना शुरू कर दीस अऊ बिहनिया खोडरी – खोंगसरा मार्ग म पहुंच गए।
भालू बहुत आक्रमक हो चुके रिहिस। उही बेरा एक बुजुर्ग ग्रामीण पैदल आवत रिहिस। जोन ल देखत ही भालू ह हमला कर दीस। बुजुर्ग के चेहरा नोच डलिस। खून ले लथपथ ग्रामीण सडक म बइठ गए। अतना म वन विभाग के अमला पहुंचिस। एंबुलेंस बुलाके घायल ल उपचार बर पेंड्रा रवाना करे गिस। ओ अस्पताल पहुंचे ले पहली दम तोड दीस।