रायपुर, 7 नवम्बर 2020। छत्तीसगढ़ चैम्बर ऑफ कॉमर्स के चुनाव के बिगुल बज चुके हे, इही कड़ी म एकता पैनल ह योगेश अग्रवाल ल अध्यक्ष पद बर अपन उम्मीदवार बनाय हे। एकता पैनल के महामंत्री अउ कोषाध्यक्ष पद म उम्मीदवार के घोषणा देवारी के बाद करे जाही। ये फैसला एकता पैनल के पंच समिति ह लेहे हे।आज व्यापारी एकता पैनल के पंच कमेटी के बैठक म अध्यक्ष पद बर आए 11 दावेदार मन के नाम म चर्चा करे गेहे। सबो नाम म एक-एक करके विस्तृत चर्चा करे के बाद योगेश अग्रवाल के नाम म पंच कमेटी के सबो सदस्य मन ह अंतिम मोहर लगाय हे।
गुरतुर गोठ बर- भीषम वर्मा
