सूरजपुर, 26 मई 2020। सूरजपुर जिला के विकासखण्ड भैयाथान के ग्राम पंचायत बिंदिया म एक मनखे ल हाथी मन ह पटक पटक के मार देहे हें। जानबा होए हे के इहां 17 हाथी मन के दल गिंजरत हें, अऊ दू घर ल घलोक फोर देहे हें। घर ल तहस-नहस कर देहे हें। हाथी मन के बंधपारा बस्ती म पहुँचतेच गांव वाले मन डेरा के हो-हल्ला करे लागिन। उही बेरा म एक गांव वाला कपसरा ले सायकल म अपन घर जात रहिस त हाथी मन ह ओला घेर लीन अऊ वोला अपन पांव म खुंद दीन अऊ पटक-पटक के लास ल क्षत-विक्षत कर दीन। मृतक के पहिचान रमुंनदर राजवाडे के रूप म करे गए हे जऊन धरमपुर के निवासी बताए जात हे। घटना आज रात 8 बजे के बताए जात हे।
dailychhattisgarh.com के खबर के मुताबिक हाथी मन के दल अभी बुंदिया बाँधपारा म डटें हें। हाथी मन के दहशत ले गांव वाले मन ह रतजगा करत हें।
