बालोद, 12 दिसम्बर 2020। बालोद जिला के डौंडी ब्लॉक म दुबारा हाथी मन के दल के पहुंचे ले हड़कंप मच गए हे। आमडुला पंचायत के गोटीपारा गांव म 5 ले 6 हाथी मन के दल के घूसे ले गांव के लोगन दहशत म रात गुजारे बर मजबूर होगे हे। वन विभाग के फॉरेस्ट गार्ड अऊ डिप्टी रेंजर गोटीपारा गांव पहुंच के ग्रामीण मन के संग रतजगा करत हे।
जानकारी के अनुसार हाथी मन के दल ह एक फालतू कुकर ल रौंद के मउत के घाट उतार देहे हे। एखर अलावा गोटीपारा गांव म अब्बड़ तबाही मचात हुए हाथी मन के दल ह बाड़ी तोड़ दीस। बोर उखाड़ फेंकिस अऊ सब्जी के फसल मन ल रौंद देहे हे। फॉरेस्ट गार्ड गीतेश यादव अऊ डिप्टी रेंजर चंद्रशेखर भंडारी ग्रामीण मन ल घर के बाहर आग जलाए बर कहत हे। जेखर ले हाथी मन के दल घर तक झन पहुंच सके।
