हाथी मन ह चार ग्रामीण मन ल करिन बेघर, घर के बाहर बंधे एक जानवर ल हमला करके करिन घायल

कोरबा, 27 सितंबर 2020। कटघोरा के पसान रेंज म हाथी मन के कहर लगातार जारी हे। 46 के संख्या म इहां घूमत हाथी मन ह जिहां शुक्रवार के रात रेंज के बनिया गांव म उत्पात मचात हुए भारी संख्या म किसान मन के भुट्टा अउ धान के फसल ल उजाड़े के संग घर के बाहर बंधे एक जानवर ल हमला करके घायल कर देहे रिहिस। उहें शनिवार के रात ये हाथी मन ह सेमरा गांव म कहर बरपाइस। ये दौरान चार ग्रामीण मन के मकान तोड़ दिस अउ किसान मन के खेत म पहुंच के उहां लगे धान के फसल मन ल बुरा तरह ले रौंद दिस। जेखर ले ओमन ल भारी नुकसान उठाना पड़िस। हाथी मन के द्वारा रात म उत्पात मचाने अउ घर तोड़े जाये के सूचना म वन विभाग के अमला आज बिहनिया गांव पहुंचिस अउ नुकसानी के सर्वे करे के संग ही अपन रिपोर्ट रेंजर ल सौंप दिस। हाथी मन के द्वारा लगातार उत्पात मचाए जाये ले क्षेत्र के लोगन मन अब्बड़ परेशान हे अउ रतजगा करे बर मजबूर हे।