रायपुर, 14 जुलाई 2024, राजस्व मंत्री श्री टंक राम वर्मा ह आज आनंद समाज लाईब्रेरी कंकालीपारा रायपुर म आयोजित कार्यक्रम म ”छत्तीसगढ़ के विभूति” पुस्तक के विमोचन करिन। ए पुस्तक के लेखक श्री जागेश्वर प्रसाद हे।
कार्यक्रम म राजस्व मंत्री श्री वर्मा ह पुस्तक के लेखक श्री जागेश्वर प्रसाद ल बधाई देवत कहिन कि ए पुस्तक ले मनखे मन ल छत्तीसगढ़ के पुरोधा मन के बारे म विस्तृत जानकारी मिलही। छत्तीसगढ़ म अइसन बहुत अकन महान विभूति हे, जिंंकर उल्लेख अऊ संस्मरण छत्तीसगढ़ के इतिहास म नइ हे। अइसन महान विभूति मन के बारे म जानकारी संकलित करना बहुत ही प्रशंसनीय हे।
‘छत्तीसगढ़ के विभूति’ पुस्तक के राजस्व मंत्री श्री टंक राम वर्मा ह करिन विमोचन
