जगदलपुर, 75 दिन तक चलइया विश्व प्रसिद्ध ऐतिहासिक बस्तर दशहरा के समापन मंगल के माता मावली के भावभीनी विदाई के संग हो गीस। परंपरा अनुसार बस्तर संभाग के 84 परगना अऊ सीमावर्ती राज्य मन ले आए 450 ले जादा देवी देवता मन ल सोमवार कुटुंब जात्रा के बाद ससम्मान विदाई देहे गीस। मंगलवार भिनसरहा दंतेश्वरी मंदिर ले प्रगति पथ म जगा-जगा विशाल जनसमुदाय ह माता मावली के भावभीनी विदाई दीस। विदाई के समय भक्त मन ह माता मावली के डोली म फूल बरसाइन अऊ पूजा अर्चना करिन।
विदाई रस्म के समय पुलिस जवान मन ह खुसी म फायरिंग करिन ये मौका म कई समाज के मनखे मन घलोक माई जी उपर अपन श्रद्धा व्यक्त करे पहुंचे बस्तर दशहरा के आखरी रस्म म राजपरिवार के सदस्य कमल चंद भंजदेव दशहरा समिति के अध्यक्ष सांसद दीपक बैज संग मांझी, चालकी संग प्रशासनिक अमला मौजूद रहिन।
माता मावली के भावभीनी विदाई के संग 75 दिन तक चलइया बस्तर दशहरा के होइस समापन
