रायपुर, 30 जून 2024। महिला बाल विकास विभाग के सचिव श्रीमती शम्मी आबिदी ह जगदलपुर कलेक्टोरेट के प्रेरणा सभाकक्ष म विभागीय गतिविधि मन अउ योजना मन के क्रियान्वयन स्थिति के विस्तृत समीक्षा बैठक लेके धरातल म होवत प्रगति के जानकारी लीन। उमन अधिकारी मन ल मिशन मोड म काम करके बस्तर अंचल ल कुपोषण मुक्त बनाए बर व्यापक सहभागिता निभाए उपर जोर दीन। संगेच उमन कहिन कि माता-बहिनी मन ल शासन के सबो योजना मन ले शत-प्रतिशत लाभान्वित करके बस्तर ईलाका म विकास के अंजोर बगराए ल कहिन।
बैठक म महिला बाल विकास विभाग के संचालक सुश्री तुलिका प्रजापति संग महिला बाल विकास विभाग के वरिष्ठ अधिकारी मन संग बस्तर, बीजापुर, दन्तेवाड़ा अउ सुकमा जिला के जिला स्तरीय अधिकारी अऊ बाल विकास परियोजना अधिकारी अउ सुपरवाइजर्स उपस्थित रहिन।
