मुंगेली, 9 अगस्त 2020। नगर म आज तड़का बिहनिया पड़ाव चौक स्थित सुलभ शौचालय म एक कर्मचारी के खून ले लथपथ लाश सुलभ के बाथरूम म मिले हे. जानकारी के अनुसार, मृतक गनौरी पंडित बिहार के रहने वाला रिहिस. घटना के सूचना मिलत ही एडिशनल एसपी कमलेश्वर चंदेल, एसडीओपी तेजराम पटेल अउ सिटी कोतवाली पुलिस मउका म पहुंच के जांच म जुटगे हे. एसडीओपी पटेल ह बताइस कि मृतक के शरीर म गंभीर चोट के निशान मिले हे, ये वजह ले प्रथम दृष्टया मामला हत्या के प्रतीत होवत हे. मामला हत्या के हे, या दुर्घटना के, ये जांच के विषय हे. फिलहाल, पुलिस डॉग स्क्वॉयड अउ फोरेंसिक एक्सपर्ट टीम के मदद ले जांच म जुटे हे.
