दुर्ग म बेरोजगार मन ल ठेकेदार बनाए बर लोक निर्माण विभाग म ई-पंजीयन चालू

दुर्ग, 03 फरवरी 2021। लोक निर्माण विभाग संभाग दुर्ग कोति ले निःशुल्क ई-पंजीयन के सुविधा उपलब्‍ध कराए गए हे। जेखर तहत अनुसूचित जाति क्षेत्र बर 12वीं पास बेरोजगार युवा अऊ सामान्य क्षेत्र मन बर स्नातक उत्तीर्ण बेरोजगार युवा मन ल रोजगार उपलब्‍ध कराए के उद्देश्य ले निविदा के माध्यम ले एक पईत म 20 लाख रुपए तक अऊ 1 साल म 50 लाख रूपिया तक के काम आवंटित करे के योजना हे। उमन बताइन कि ई-पंजीयन प्रणाली के तहत विकासखंडवार, नगर पालिका, नगर निगम क्षेत्रवार पंजीयन करे जाही। जेखर तहत पंजीकृत बेरोजगार अपन-अपन विकासखंडवार, नगर पालिका, नगर निगम क्षेत्रवार स्वीकृति काम मन बर आमंत्रित निविदा म हिस्सा ले सकत हें। ये पंजीयन प्रणाली के तहत राशि 20 लाख रुपए तक के निविदा लोक निर्माण विभाग संभागीय कार्यालय दुर्ग कोति ले आमंत्रित करे जाही । ई-पंजीयन बर शैक्षणिक योग्यता स्नातक (सामान्य क्षेत्र) या हायर सेकेंडरी (अनुसूचित जाति क्षेत्र) उतीर्ण प्रमाण पत्र ,तहसील कार्यालय ले जारी छत्तीसगढ़ स्थानीय निवासी प्रमाण पत्र, पेन नंबर, जीएसटी नंबर, विद्युत सुरक्षा लाइसेंस(ए/बी वर्ग) घोषणा पत्र , दू नग फोटोग्राफ, बैंक स्टेटमेंट, बैंक अनापत्ति प्रमाण पत्र के जरूरत होही। ये पंजीयन लोक निर्माण विभाग कोति ले करे जा जात हे। जेकर बर 28 फरवरी तक आनलाईन आवेदन करे जा सकत हे।