छत्तीसगढ़ म नवा सरकार के गठन के बाद करीबन साढ़े पांच लाख मनखे मन ल मिलीस रोजगार

पाछू 10 महिना म ग्रामीण क्षेत्र मन म 5.10 लाख, उद्योग मन म 10,640 अऊ शासकीय सेवा के क्षेत्र म 20,502 मनखे मन ल मिलीस रोजगार
रायपुर, छत्तीसगढ़ म मुख्यमंत्री श्री भूपेश बघेल के सियानी म सरकार बने के बाद जनवरी महिना ले अकटूबर तक 10 महिना म प्रदेश म 5 लाख 41 हजार 259 मनखे मन ल रोजगार देहे गए हे। एमां ले ग्रामीण क्षेत्र मन म 5 लाख 10 हजार 117 मनखे मन ल, शासकीय सेवा के क्षेत्र म 20 हजार 502 मनखे मन ल अऊ उद्योग मन म 10 हजार 640 मनखे मन ल रोजगार प्रदान करे गए हे।
ग्रामीण अर्थव्यवस्था ल मजबूत करे बर राज्य सरकार कोति ले नरवा, गरवा, घुरवा अऊ बाड़ी योजना चालू करे गए हे। जेखर माध्यम ले ग्रामीण क्षेत्र मन म मनखे मन के बीच उद्यमियता के विकास के संग रोजगार के अवसर उत्पन्न करे के प्रयास करे जात हे। जादा ले जादा मनखे मन ल रोजगार के अवसर देवाये बर राज्य म बहुत अकन योजना संचालित करे जात हे। एमां ले ग्रामीण क्षेत्र म छत्तीसगढ़ राज्य आजीविका मिशन के तहत करीबन 2 लाख 29 हजार 374 महिला मन ल रोजगार मिले हे। राज्य सरकार कोति ले शासकीय उपयोग के वस्त्र मन के खरीदी प्रदेश के राज्य बुनकर सहकारी संघ के माध्यम ले करे जात हे। ये फैसले ले प्रदेश म करीबन 51 बुनकर मन ल रोजगार मिले हे। छत्तीसगढ़ म करीबन 32 प्रतिशत जनसंख्या आदिवासी मनखे मन के हे। इंकर आजीविका अऊ रोजगार जंगल ऊपर निर्भर हे। लघु वनोपज मन के संग्रह म लगे आदिवासी महिला समूह मन के माध्यम ले घलोक बड़ संख्या म मनखे मन ल रोजगार मिले हे। राज्य सरकार कोति ले आदिवासी मन के आय म बढ़ोतरी बर लघु वनोपज मन के खरीदी 3500 महिला समूह मन के माध्यम ले 821 हाट बाजार म करे जात हे। एखर माध्यम ले करीबन 42 हजार महिला मन ल रोजगार मिले हे।
गणवेश तियार करे के काम म प्रदेश के करीबन 900 महिला समूह काम करत हे। स्कूल के पढ़ईया लईका मन के गणवेश तियार करे म करीबन नौ हजार महिला मन ल रोजगार मिले हे। वनोत्पाद मन के माध्यम ले करीबन 35 हजार वनवासी मन ल गौठान मन म वर्मी कम्पोस्ट तियार करे के काम म करीबन पांच हजार गांव वाले मन ल, माहुल पत्ता, कपड़ा अऊ जूट ले पत्तल अऊ प्लेट तियार करे के काम म करीबन पांच हजार, बांस ले ट्री-गार्ड अऊ टोकरी तियार करे म करीबन पांच हजार मनखे मन ल रोजगार मिले हे। राष्ट्रीय ग्रामीण आजीविका मिशन के अंतर्गत खेती-किसानी संबंधी गतिविधि मन आर्गेनिक खाद (वर्मी कम्पोस्ट) आर्गेनिक औषधियां के क्षेत्र म करीबन 61 हजार 991 मनखे मन ल, गैर कृषि क्षेत्र म 22 हजार 762 मनखे मन ल रोजगार मिले हे। एसनहे नरवा, गरवा, घुरवा अऊ बाड़ी योजना के तहत बनाए गे क्रियाशील गौठान मन म महिला समूह कोति ले वर्मी कम्पोस्ट अऊ चारा उत्पादन के काम करे जात हे। हर एक गौठान म 14 ले 15 महिला कार्यरत हे। गौठान मन म करीबन 27 हजार 990 महिला मन ल एसनहे महिला अऊ बाल विकास विभाग के सुपोषण अभियान के काम म करीबन 16 हजार महिला मन ल रोजगार के अवसर मिलत हे। ए महिला मन ल 2750 रूपिया हर महीना आमदनी होवत हे। एसनहे ग्रामीण अर्थव्यवस्था के क्षेत्र म पाछू 10 महिना म पांच लाख 10 हजार 117 मनखे मन ल रोजगार मिले हे।
एसनहे शासकीय क्षेत्र म करीबन 20 हजार 502 मनखे मन ल नौकरी मिले हे। पाछू 10 महिना म स्कूल मन म 5441 शिक्षक, 4000 सहायक शिक्षक, 2767 व्याख्याता, विज्ञान प्रयोगशाला म 1200 सहायक शिक्षक, 410 अंगरेजी व्याख्याता, 306 अंग्रजी माध्यम के सहायक शिक्षक मन के संग आन पद मन म 1420 मनखे मन के भर्ती करे गए हे। पुलिस विभाग म 3682 काॅन्सटेबल के पद म भर्ती करे जात हे।  छत्तीसगढ़ लोक सेवा के माध्यम ले 503 पद म भर्ती करे गीस अऊ 1972 पद बर भर्ती के प्रक्रिया चलत हे। राजस्व अउ आपदा प्रबंधन विभाग म 250 पटवारी, स्वास्थ्य विभाग 228 लेब टेक्निशियन, ऊच्च न्यायालय म हेल्पर गे्रड-3 अऊ कम्प्यूटर आॅपरेटर के 177 पद अऊ लोक निर्माण विभाग म 118 सब इंजीनियर (सिविल) के भर्ती करे गए हे।
उद्योग मन के माध्यम ले पाछू 10 महिना म करीबन 10 हजार 640 मनखे मन ल रोजगार के अवसर मिले हे। राज्य सरकार कोति ले उद्योग मन ल दिए जात सुविधा अऊ प्रोत्साहन ले पूरा देश म आर्थिक मंदी के माहौल के बीच छत्तीसगढ़ म उद्योग अऊ एखर से जुड़े क्षेत्र मन म उल्लेखनीय प्रगति दर्ज करे गए हे। पाछू 10 महिना म अल्ट्रा-मेगा उद्योग के 2 यूनिट स्थापित करे गए हे, जेमा  411 मनखे मन ल प्रबंधन के क्षेत्र म, 1520 कुशल श्रमिक अऊ 948 अकुशल श्रमिक मन ल रोजगार के अवसर मिले हे। ये अवधि म एक मेगा उद्योग के स्थापना होए हे जेमां 170 मनखे मन ल प्रबंधन म, 551 कुशल श्रमिक अऊ 194 अकुशल श्रमिक अऊ सात बड़े उद्योग स्थापना म 73 मनखे मन ल प्रबंधन, 192 कुशल श्रमिक अऊ 374 अकुशल श्रमिक मन ल रोजगार मिले हे। एखर अलावा मध्यम श्रेणी के 17 उद्योग स्थापित होए हे, जेमा 94 मनखे मन ल प्रबंधन, 251 कुशल श्रमिक अऊ 431 अकुशल श्रमिक एसनहे 274 लघु उद्योग के स्थापना होए हे जेमां 570 मनखे मन प्रबंधन म, 1138 कुशल श्रमिक अऊ 2146 अकुशल श्रमिक, इही बेरा म स्थापित करे 215 सूक्ष्म उद्योग मन म 248 मनखे मन ल प्रबंधन, 493 कुशल श्रमिक अऊ 836 अकुशल श्रमिक मन ल रोजगार मिले हे।