मजदूर परिवार मन के सशक्तिकरण अऊ उत्थान बर समर्पित हे हमर सरकार : मुख्यमंत्री विष्णु देव साय

मुख्यमंत्री के हाथ 31 मेधावी श्रमिक लइका मन ल मिलीस 2-2 लाख के प्रोत्साहन राशि
मुख्यमंत्री ह 38 हजार श्रमिक मन के खाता म ऑनलाइन अंतरित करिन 19.71 करोड़ के सहायता राशि
रायपुर, “हम श्रमिक परिवार के सशक्तिकरण अऊ उत्थान बर समर्पित भाव ले काम करत हन। आप मन के मया अऊ सहयोग ही हमर सबले बड़े ताकत हे अऊ हम सब मिलके एक विकसित, समृद्ध अऊ सशक्त छत्तीसगढ़ के संकल्प ल साकार करबो।” मुख्यमंत्री श्री विष्णु देव साय आज राजधानी रायपुर के न्यू सर्किट हाउस म आयोजित मुख्यमंत्री नोनी बाबू मेधावी शिक्षा सहायता योजना के तहत कक्षा दसवीं अऊ बारहवीं के टॉप 10 म स्थान पवइया पंजीकृत श्रमिक मन के 31 मेधावी लइका मन ल दू-दू लाख रुपिया के प्रोत्साहन राशि के वितरण करके कार्यक्रम ल संबोधित करत रहिन। ए बेरा म मुख्यमंत्री ह छत्तीसगढ़ भवन अउ आन सन्निर्माण कर्मकार कल्याण मंडल म पंजीकृत राज्य के 38 हजार 200 निर्माण श्रमिक मन ल कई ठन योजना मन के तहत 19.71 करोड़ रूपिया ले जादा के सहायता राशि सीधा ऊंखर बैंक खात म हस्तांतरित करिन। 
ए बेरा म श्रम विभाग के संयुक्त सचिव डॉ. फरिहा आलम, प्रभारी श्रम आयुक्त श्री एस एल जांगड़े संग श्रम विभाग के अधिकारी कर्मचारी अऊ श्रमिक परिवारजन मौजूद रहिन।