पुलिस अउ नक्सली मन के बीच मुठभेड़, 8 लाख के इनामी नक्सली ढेर

बीजापुर, 02 जून 2020। मिलिट्री कंपनी नंबर 2 के माओवादी अउ डीआरजी सीआरपीएफ के सयुक्त पार्टी के बीच मुठभेड़ होय हे. बेचापाल अउ हुर्रेपाल के बीच जंगल म  मुठभेड़ होइस. ये मुठभेड़ म कंपनी नम्बर 2 के सैक्शन कमांडर 8 लाख के इनामी माओवादी दशरु ढेर होगे हे. बता देथन कि मंगलवार बिहनिया थाना मिरतुर क्षेत्रान्तर्गत बेचापाल अउ हुर्रेपाल के मध्य जंगल म मुठभेड़ होइस. मौका ले आर्म्स एमुनेशन समेत अन्य नक्सली सामग्री बरामद होय हे. जिला बीजापुर अउ दंतेवाड़ा डीआरजी व सीआरपीएफ के टीम ह संयुक्त ऑपरेशन म पुलिस ल सफलता मिले हे. पुलिस अधीक्षक बीजापुर  कमलोचन कश्यप ह ये घटना के पुष्टि करे हे.