बीजापुर, 05 अगस्त 2020। बीजापुर जिला के इशुलनार अउ पुन्नुर जंगल के बीच पुलिस अउ नक्सली मन के बीच मुठभेड़ होय हे। ये मुठभेड़ म जवान मन ह एक महिला नक्सली ल ढेर कर दिस। मारे गे नक्सली मिलिट्री प्लाटून नम्बर 11 के सदस्य बताये जावत हे। मुठभेड़ के पुष्टि एसपी कमलोचन कश्यप ह करिन हे। बताये जावत हे कि जंगल म नक्सली मूवमेंट के सूचना जवान मन ल मिले रिहिस। जेखर बाद डीआरजी, एसटीएफ, कोबरा 204 अउ सीआरपीएफ ह संयुक्त कार्रवाई करके ऑपरेशन चलाइस।
ये दौरान नक्सली मन के मिलिट्री प्लाटून नम्बर 11 के संग मुठभेड़ होइस। उहें जवान मन ह एक महिला नक्सली ल मार गिराइस। जवान मन के ताबड़तोड़ फायरिंग के बाद नक्सली उहां ले फरार होगे। उहें मुठभेड़ के बाद मउका ले एक 12 बोर बंदूक, कारतुस, डेटोनटर, विस्फोटक, टेंट अउ भारी मात्रा म नक्सली सामग्री बरामद करिन। एसपी ह जानकारी दीन कि जंगल म अभी भी ऑपरेशन जारी हे।