बीजापुर म पुलिस अउ नक्सली मन के बीच मुठभेड़, एक जवान घायल, एसपी ह करिन पुष्टि

बीजापुर, 29 जुलाई 2020। प्रदेश के नक्सल प्रभावित क्षेत्र बीजापुर के जंगल म पुलिस अउ नक्सली मन के बीच मुठभेड़ होय हे। ये मुठभेड़ म एक जवान घायल होय हे। घायल जवान के नाम लक्ष्मण बेड़जा बताये जावत हे। मुठभेड़ के पुष्टि एसपी कमलोचन कश्यप ह करिन हे। बताये जवात हे कि बासागुड़ा थाना क्षेत्र के आऊटपल्ली के जंगल म पुलिस अउ नक्सली मन के बीच मुठभेड़ होय हे। दुनो डाहर ले ताबड़तोड़ फायरिंग होइस। ये घटना म एक जवान के दाहिना पैर म गोली लगे हे। उहें जंगल ले सुरक्षित कैंप लगा के जवान के उपचार करे जावत हे। उहें जंगल म जवान मन के अभी सर्चिंग ऑपरेशन जारी हे।