बीजापुर, 8 नवम्बर 2020। जिला के पामेड़ थाना क्षेत्र म सुरक्षाबल अउ नक्सली मन के बीच आज भीषण मुठभेड़ होय हे। सुरक्षाबल ह एक नक्सली ल मार गिराया हे। घटना के बाद जवान मन ह नक्सली साहित्य, हथियार अउ टिफिन बम बरामद करे गेहे। जानकारी के मुताबिक, एसटीएफ, डीआरजी अउ कोबरा बटालियन बिहनिया सर्चिंग म निकले रिहिस। तभे बिहनिया 10:30 बजे भट्टीगुड़ा के पास मुकराजगट्टा के पहाड़ म नक्सली मन ह गोलीबारी शुरू कर दीन। सुरक्षाबल ह मुंहतोड़ जवाब दीस। ये मुठभेड़ म जवान मन ह 1 माओवादी ल ढेर कर दीस। उहें मउका म 4 राइफल जब्त करे गेहे हे। संग म भारी मात्रा म पाईप बम, टिफिन बम बरामद करे गेहे। नक्सली साहित्य अउ अन्य दैनिक उपयोग के सामग्री घलो बरामद करे गेहे। अभियान के दौरान 2 जवान घायल होय हे। घायल जवान मन ल एयर लिफ्ट कराया जावत हे। एसपी कमलोचन कश्यप ह ये घटना के पुष्टि करिन हे।
गुरतुर गोठ बर- भीषम वर्मा
