बीजापुर, 28 सितंबर 2020। जिला के गंगालूर थाना क्षेत्र म पुलिस अउ नक्सली के बीच मुठभेड़ होय हे। जवान मन ह ताबड़तोड़ फायरिंग करके एक नक्सली ल मार गिराये हे। जवान मन ह शव के संग हथियार अउ विस्फोटक सामान बरामद करे हे।
जानकारी के अनुसार हिरानार-पेद्दापाल के जंगल मन म पुलिस अउ नक्सली मन के बीच फायरिंग होइस। बता देथन कि पीछू 3 दिन ले जवान मन के एक टीम एंटी नक्सल अभियान के तहत सर्चिंग करत रिहिस। इही बीच हिरानार-पेद्दापाल के जंगल म जवान मन के सामना नक्सली ले होगे।
दोनों डाहर ले होय फायरिंग म जवान मन ह एक नक्सली ल ढेर कर दिस। मुठभेड़ म कुछ अउ नक्सली मन के मारे जाये के खबर हे। जंगल म अभी तक सर्चिंग अभियान जारी हे। IG पी.सुंदरराज ह मुठभेड़ के पुष्टि करिन हे।
