कृषि छात्र मन के पांचवां युवा अधिवेशन के समापन: खांटी जानकार मन ह कृषि निर्यात अउ कृषि उद्यमिता ल बढ़ावा देहे के जरूरत बताईन

रायपुर, इंदिरा गांधी कृषि विश्वविद्यालय, रायपुर म अखिल भारतीय कृषि छात्र संघ, नई दिल्ली (आईसा) के 5वां दू दिवसीय राष्ट्रीय युवा अधिवेशन के आज इहां समापन होइस। भारतीय कृषि अनुसंधान परिषद, नवा दिल्ली, इंदिरा गांधी कृषि विश्वविद्यालय, रायपुर अऊ अखिल भारतीय कृषि छात्र संघ नई दिल्ली के संयुक्त तत्वावधान म आयोजित ये अधिवेशन के समापन समारोह के मुख्य अतिथि कृषि वैज्ञानिक चयन मण्डल के पहिली अध्यक्ष अउ राहुरी कृषि विश्वविद्यालय के पहिली कुलपति डॉ. सी.डी. मायी रहिन। समारोह के अध्यक्षता इंदिरा गांधी कृषि विश्वविद्यालय के कुलपति डॉ. एस.के. पाटील ह करिन। आणंद कृषि विश्वविद्यालय के पहिली कुलपति डॉ. एन.सी. पटेल, भारतीय कृषि विश्वविद्यालय संघ के कार्यकारी सचिव डॉ. आर.पी. सिंह अऊ इंदिरा गांधी कृषि विश्वविद्यालय प्रबंध मण्डल के सदस्य श्री आनंद मिश्रा विशिष्ट अतिथि के रूप म उपस्थित रहिन।