उत्तर बस्तर कांकेर म दू हफ्ता के उद्यमिता जागरूकता प्रशिक्षण

उत्तर बस्तर कांकेर, 11 मार्च 2020। जिला के शिक्षित बेरोजगार युवक-युवमी मन बर सेडमैप कोति ले महाप्रबंधक जिला व्यापार अउ उद्योग केन्द्र के मार्गदर्शन म कांकेर म दू हफ्ता के उद्यमिता विकास प्रशिक्षण कार्यक्रम के आयोजन करे जाही। प्रशिक्षण बर आवेदक मन के चयन बर 16 मार्च सोमवार साक्षात्कार ले जाही। प्रशिक्षण कार्यक्रम जिला व्यापार अउ उद्योग केन्द्र के सक्रिय सहयोग ले आयोजित होवत हे। जेमां शिक्षित बेरोजगार युवक-युवती शासन के योजना मन के लाभ लेके खुद के रोजगार स्वरोजगार स्थापित कर सकयं। प्रशिक्षण म विसय खांटी जानकार कोति ले महत्वपूर्ण जानकारी घलोक देहे जाही। प्रशिक्षण के बाद सफल छात्र-छात्रा मन ल प्रमाण पत्र देहे जाही, संगेच कई शासकीय विभाग मन के माध्यम ले स्वरोजगार बर लाभांवित कराए के उदीम करे जाही।
प्रशिक्षण बर आवेदक मन के चयन म अनुसूचित जाति, अनुसूचित जनजाति, महिला, विकलांग, भूतपूर्व सैनिक अउ बीपीएल श्रेणी के आवेदक मन ल प्राथमिकता देहे जाही अऊ 40 प्रतिशत स्थान आरक्षित रइही। आवेदक के शैक्षणिक योग्यता कम से कम 8वीं पास अउ उमर 40 साल ले जादा नइ होना चाही। आवेदन पत्र महाप्रबंधक, जिला व्यापार अउ उद्योग केन्द्र कलेक्‍ट्रेट परिसर कम्पोजिट बिल्डिंग कांकेर म कार्यालयीन समय म जमा करे जा सकत हे। ये संबंध म जादा जानकारी बर मोबाईल नम्बर 98274-62488 ले सम्पर्क करे जा सकत हे।