अब बिजली बिल लगभग शून्य- नीलकण्ठसाहू
बलौदाबाजार, प्रधानमंत्री श्री नरेन्द्र मोदी के महत्वाकांक्षी “पीएम सूर्यघर मुफ्त बिजली योजना” आमजनता के जीवन म सकारात्मक बदलाव लावत हे। ये पर्यावरण संरक्षण के दिशा म कारगर साबित होवत हे।
इही कड़ी म बलौदाबाजार नगर के वार्ड नंबर 5 निवासी नीलकंठ साहू ह ए योजना ले जुड़के नइ केवल अपन घर के बिजली खर्च म भारी बचत करे हे बल्कि पर्यावरण संरक्षण म घलोक योगदान देवत हे।
श्री साहू ह बताइस के “मैं कुछ महीना पहिली रिश्तेदार के घर अभनपुर गए रहेंव, जिहां मैं ह पहली पइत पीएम सूर्यघर योजना के तहत लगाए गे सोलर पैनल ल देखेंव। एखर से प्रेरित होके मैं ह घलोक करीब तीन महीना पहिली अपन घर के छत म 2 किलोवाट के सोलर सिसटम लगवाएंव तब ले मोर घर के बिजली बिल लगभग शून्य हो गए हे।” उमन आगू बताइन के ए योजना के तहत शासन ले सब्सिडी घलोक प्राप्त हो गए हे। ये बहुतेच सराहनीय पहल हे, जेखर से न केवल आम जनता ल आर्थिक राहत मिलत हे, बल्कि स्वच्छ ऊर्जा के उपयोग ले पर्यावरण घलोक सुरक्षित होवत हे।” श्री नीलकंठ साहू ह प्रधानमंत्री श्री नरेन्द्र मोदी अऊ मुख्यमंत्री श्री विष्णुदेव साय के प्रति आभार व्यक्त करत कहिस के “मोला गरब हे के मैं ‘मुफ्त बिजली योजना’ के लाभ उठावत हंव अऊ पर्यावरण संरक्षण म अपन योगदान देवत हंव। मैं आमजन ले घलोक अपील करे हंव के ओ मन ए योजना के लाभ अवश्य लेवंय।”
शासन देवत हे अनुदान
पीएम सूर्यघर मुफ्त बिजली योजना के माध्यम ले हर एक पात्र परिवार ल सोलर पैनल स्थापित करे बर शासन कोति ले सब्सिडी देहे जात हे, जेखर से घर मन ल स्वच्छ अऊ सस्ता ऊर्जा उपलब्ध होवत हे। केन्द्र सरकार ह 1 किलोवाट प्रणाली खातिर 30 हजार रूपिया अऊ राज्य सरकार 15 हजार रूपिया, 2 किलोवाट क्षमता वाले संयंत्र म केंद्र सरकार 30 हजार अऊ राज्य सरकार 30 हजार अऊ 3 किलोवाट खातिर केंद्र सरकार 78 हजार रूपिया अऊ राज्य सरकार 30 हजार के सब्सिडी देथे।
