ग्राम जोलगी म बिना अनुमति काटे गए साल पेड़ जब्त

जमीन मालिक उपर एक लाख 25 हजार रुपिया के अर्थदंड प्रस्तावित
मनेंद्रगढ़-चिरमिरी-भरतपुर, जिला के भरतपुर विकासखण्ड के जोलगी गांव म बिना अनुमति पाँच साल के पेड़ काटे के सूचना म राजस्व विभाग ह तुरंत कार्रवाई करिस। सूचना प्राप्त होतेच संबंधित राजस्व अधिकारी मौका म पहुँचिन अऊ अवैध रूप ले काटे गए सबो पेड़ मन ल उहें जब्त कर लेहे गीस।
जांच म ये पाए गीस के जोलगी गांव के रहवइया सम्हारु राम पिता सिरपत ह बिना कोनो वैध अनुमति के वृक्ष कटाई करे रहिस। ए अवैध काम ल गंभीरता ले लेत वोखर विरुद्ध एसडीएम न्यायालय, भरतपुर म प्रकरण दर्ज करे गीस। प्रशासनिक कार्रवाई के तहत जमीन मालिक ल एक लाख 25 हजार रूपिया के अर्थदंड प्रस्तावित करे गए हे। संगेच, कटे साल वृक्ष ल राजसात करे के प्रक्रिया घलोक चालू कर देहे गए हे।
जिला प्रशासन ह स्पष्ट करे हे के पर्यावरण संरक्षण अऊ वन संपदा के सुरक्षा सबले बड़का प्राथमिकता हे। बिना अनुमति वृक्ष कटाई के मामला म सख्त कार्रवाई करे जाही अऊ अइसन प्रकरण म दंडात्मक कार्रवाई आगू घलोक सरलग जारी रइही।