बलौदाबाजार, लइका मन ल प्रकृति ले जोड़े, पर्यावरणीय जिम्मेदारी के बोध कराए अऊ वन विभाग के योजना मन ले परिचय कराए खातिर बलौदाबाजार वनमण्डल के अर्जुनी वन परिक्षेत्र म जल-जंगल-यात्रा कार्यक्रम के आयोजन करे गीस। ये कार्यक्रम स्वामी आत्मानंद इंग्लिश मीडियम स्कूल सोनाखान के पढ़ईया लईका मन बर आयोजित करे गए रहिस, जेमां पढ़ईया लइका मन ह उछाह ले भाग लीन।
वनमण्डलाधिकारी ह कहिस के वन मंत्री श्री केदार कश्यप के हुकुम के मुताबिक आयोजित ’जल-जंगल-यात्रा’ केवल एक भ्रमण भर नो हे, बल्कि प्रकृति ले जुड़े अऊ ओला समझे के एक जागरूक प्रक्रिया हे। ये पहल पढ़ईया लईका मन म संरक्षण के भावना ल मजबूत करथे अऊ ओ मन ल भविष्य के पर्यावरण प्रहरी बने बर प्रेरित करथे। अवइया नवा पीढ़ी ल प्रकृति के संग जोड़े खातिर नवाचार अऊ सहभागिता अड़बड़ जरूरी हे। उमन बताइन के वन विभाग के ये अभिनव पहल ’जल-जंगल-यात्रा’ पर्यावरण शिक्षा ल रोचक तरीका ले प्रस्तुत करथे, जेखर से लइका मन म ज्ञान के संगे-संग प्रकृति के प्रति भावनात्मक जुड़ाव घलोक पैदा होवत हे। ये पहल भविष्य म अऊ विद्यालय मन तक विस्तृत होके एक स्थायी जागरूकता अभियान के रूप ले सकत हे।
कार्यक्रम म वन परिक्षेत्र अधिकारी श्री रूपेन्द्र साहू ह प्रतिभागी मन ल प्रमाण पत्र भेंट करके सम्मानित करिन। ए बेरा म विद्यालय के प्राचार्य श्री के.आर. पटेल, शिक्षकगण अऊ वन प्रबंधन समिति अर्जुनी के सदस्य संग वन विभाग के अधिकारी-कर्मचारी उपस्थित रहिन।
जल-जंगल-यात्रा: प्रकृति ले जुड़ाव के नवा उदीम
