मुख्यमंत्री श्री साय ह छत्तीसगढ़ के भावी लोकसेवक मन ल पारदर्शिता अऊ संवेदनशीलता के संग अपन कर्तव्य के पालन करे बर प्रेरित करिन
रायपुर, मुख्यमंत्री श्री विष्णु देव साय ह लोक सेवा आयोग के सिविल परीक्षा 2023 के प्रावीण्य सूची म सफल अभ्यर्थि मन ले कहिन कि आप मन छत्तीसगढ़ लोक सेवा आयोग कोति ले आयोजित सिविल सेवा के कठिन परीक्षा म उच्च स्थान प्राप्त करे हव, जेखर से आप मन युवा पीढ़ी बर प्रेरणा स्रोत बन गे हव। आप मन के मेहनत, दृढ़ संकल्प अऊ समर्पण ह आप मन ल ये सफलता देवाए हे। ये उपलब्धि आप मन के परिवार अऊ शिक्षक मन के घलोक ये। जेन युवा साथी भविष्य म अइसन सफलता प्राप्त करना चाहत हें, ओ मन अब आप मन कोति देखहीं संगेच उमन कहिन के मैं जानना चाहहूं के आप मन ये सफलता कइसे हासिल करे हव।
