रायपुर, 4 सितंबर 2020। भोरमदेव सहकारी शक्कर कारखाना कवर्धा म पीपीपी मॉडल ले ईथेनाल प्लांट जल्द स्थापित करे जाही। सहकारी क्षेत्र म स्थित शक्कर कारखाना म पीपीपी मॉडल ले ईथेनाल प्लांटके स्थापना के ये पहली उदाहरण होही। एखर ले क्षेत्र म रोजगार के अवसर खुलही। आर्थिक समृद्धि के आधार मजबूत होही। ईथेनाल प्लांट स्थापना ले गन्ना किसान मन ल अउ शक्कर कारखाना मन ल वित्तीय लाभ होही। ये संबंध म मुख्य सचिव आरपी मंडल के अध्यक्षता म अंतिम अनुमोदन बर पीपीपीएसी समिति के बैठक गुरुवार के महानदी भवन, मंत्रालय म होइस। बैठक म सचिव सहकारिता अउ पंजीयक सहकारी संस्था मन के डाहर ले ईथेनॉल प्लांट के स्थापना के संबंध म जानकारी मन ल समिति के आगु प्रस्तुत करे गिस। बैठक म भोरमदेव सहकारी शक्कर कारखाना म ईथेनॉल प्लांट के स्थापना बर वित्तीय निविदा आमंत्रित करे अउ निवेशक के संग अनुबंध करे के प्रारूप के अनुमोदन करत हुए समिति के डाहर ले ईथेनॉल प्लांट के स्थापना बर अनुशंसा करे गिस।
अनुशंसा के उपरांत भोरमदेव सहकारी शक्कर कारखाना म ईथेनॉल प्लांट के स्थापना के मार्ग प्रशस्त होगे हे। तकनीकी निविदा म सफल निविदाकार मन ले से ई-प्राक्योरमेंट पोर्टल के माध्यम ले वित्तीय निविदा आमंत्रित करे जाही। बैठक म अपर मुख्य सचिव वित्त विभाग अमिताभ जैन, योजना, आर्थिक अउ सांख्यिकी विभाग के प्रमुख सचिव गौरव द्विवेदी, विधि अउ विधायी कार्य विभाग के प्रमुख सचिव नरेश कुमार चंद्रवंशी, सहकारिता विभाग के सचिव प्रसन्ना आर, पंजीयक सहकारी संस्थाएं हिमशिखर गुप्ता समेत सहकारिता विभाग के अधिकारी उपस्थित रिहिस।