हर घर तिरंगा अभियान के तहत बिहान दीदी मन ह लगाइन बिलासपुर म स्वदेशी उत्पाद मन के तिरंगा बाजार

बिलासपुर, हर घर तिरंगा अभियान के अंतर्गत जिला पंचायत परिसर, बिलासपुर म बिहान स्व-सहायता समूह के दीदी मन ह तीन दिन के प्रदर्शनी सह विक्रय केंद्र के आयोजन करे हें। ए विशेष तिरंगा बाजार म दीदी मन कोति ले तियार करे गए स्वदेशी उत्पाद मन के बिक्री करे जात हे, जेमां तिरंगा, राखी, पूजन सामान, तिरंगा जैकेट, अगरबत्ती, सजावटी सामान, अचार, पापड़ जइसे घरेलू जिनिस सामिल हे।
ए पंडाल के उद्घाटन जिला पंचायत अध्यक्ष बिलासपुर अऊ कलेक्टर ह करिन। दुनों अधिकारी मन ह स्टॉल पहुंचके राखी अऊ पूजन सामान के खरीदारी करके दीदी मन के उत्साहवर्धन करिन। उमन महिला मन ले ऊंखर काम अऊ उत्पाद मन के गुणवत्ता के बारे म जानकारी लीन अऊ ए उदीम ल आजिविका संवर्धन के दिशा म सराहनीय पहल बताइन। पहिलिच दिन दीदी मन ह लगभग 20 हज़ार रुपिया  के कारोबार करिन। स्टॉल 8 अगस्त तक आम मनखे मन के बर खुला रइही। उमन शहरवासी मन ले अपील करे हें के ओ मन जादा ले जादा संख्या म आके दीदी मन के बनाय स्वदेशी उत्पाद मन के खरीदारी करंय अऊ हर घर तिरंगा अभियान ल सफल बनावंय। ए स्टॉल मन के माध्यम ले दीदी मन न केवल आर्थिक रूप ले सशक्त होवत हे, बल्कि हर घर तिरंगा अऊ हर घर स्वच्छता के संदेश घलोक जन-जन तक पहुँचावत हें।