स्वच्छ सर्वेक्षण म उत्कृष्ट प्रदर्शन काइया नगरीय निकाय घलोक होही सम्मानित
मुख्यमंत्री श्री विष्णु देव साय 260 करोड़ रूपिया ले जादा के काम मन के करहीं लोकार्पण अऊ भूमिपूजन
स्वच्छता अऊ शहरी सौंदर्यीकरण के मानक मन ल बढ़ाय खातिर राज्य स्तरीय प्रतियोगिता के होही शुभारंभ
46 शहर मन म ऑनलाइन संपत्ति कर जमा करे बर पोर्टल के होही लोकार्पण
नगरीय प्रशासन विभाग कोति ले ‘स्वच्छता संगम’ के होही आयोजन
रायपुर, मुख्यमंत्री श्री विष्णु देव साय नगरीय प्रशासन अऊ विकास विभाग कोति ले बिलासपुर जिला म 12 अगस्त 2025 के आयोजित होवइया ‘स्वच्छता संगम-2025’ म, छत्तीसगढ़ ल राष्ट्रीय स्तर म गौरवान्वित करइया स्वच्छता दीदी मन के पांव धोके ओ मन ल सम्मानित करे जाही। ए बेरा म ओ मन स्वच्छ सर्वेक्षण-2024-25 म उत्कृष्ट प्रदर्शन करइया नगरीय निकाय मन ल घलोक सम्मान देहे जाही। मुख्यमंत्री श्री साय 12 अगस्त के बिलासपुर के बहतराई स्थित इंडोर स्टेडियम में 260 करोड़ रूपिया ले जादा के लागत के विकास काम मन के लोकार्पण अऊ भूमिपूजन करहीं। कार्यक्रम म उप मुख्यमंत्री श्री अरुण साव, केन्द्रीय आवास अऊ शहरी कार्य मंत्री श्री तोखन साहू, विधायकगण श्री धरमलाल कौशिक, श्री अमर अग्रवाल, श्री धर्मजीत सिंह, श्री दिलीप लहरिया, श्री सुशांत शुक्ला अऊ श्री अटल श्रीवास्तव अऊ बिलासपुर के महापौर श्रीमती पूजा विधानी उपस्थित रइहीं। ‘स्वच्छता संगम’ म राज्य के सबो नगर निगम के महापौर, सभापति, स्वास्थ्य विभाग के प्रभारी सदस्य, नगर पालिका अऊ नगर पंचायत मन के अध्यक्ष, उपाध्यक्ष, स्वास्थ्य विभाग के प्रभारी सदस्य, निगम आयुक्त, मुख्य नगर पालिका अधिकारी, नगरीय निकाय मन के वरिष्ठ अभियंता अऊ स्वच्छ भारत मिशन (शहरी) के नोडल अधिकारी संग नौ हजार स्वच्छता दीदी मन ल नेवता देहे गए हे।
नगरीय प्रशासन अऊ विकास विभाग के सचिव डॉ. बसवराजु एस. ह बताइस के ‘स्वच्छता संगम’ म शहर मन ल स्वच्छ अऊ सुंदर बनाए म महत्वपूर्ण योगदान देवया स्वच्छता दीदी मन के पांव धोके सम्मानित करे जाही। स्वच्छ सर्वेक्षण 2024-25 म उत्कृष्ट प्रदर्शन करइया सात नगरीय निकाय मन ल नई दिल्ली म राष्ट्रपति श्रीमती द्रौपदी मुर्मु के करकमल ले पुरस्कृत होए के गौरव प्राप्त होय हे। कार्यक्रम म ए नगरीय निकाय मन के संगेच संभाग स्तर म श्रेष्ठ प्रदर्शन करइया 30 ले जादा नगरीय निकाय मन ल घलोक सम्मान देहे जाही।
सुशासन से संवर रहा है, प्रदेश की नारी शक्ति का जीवन।
स्वच्छता दीदियों की स्वच्छता अभियान में महत्वपूर्ण भूमिका है। उनके इस योगदान को देखते हुए मुख्यमंत्री श्री विष्णु देव साय द्वारा उनके मानदेय में वृद्धि कर उनकी मेहनत और कर्तव्यनिष्ठा को सम्मानित किया गया है। pic.twitter.com/OuIivPs9yo
— CMO Chhattisgarh (@ChhattisgarhCMO) March 8, 2025