कोण्डागांव: ईको पर्यटन केन्द्र टाटामारी म उत्कृष्ट इमली संग्रहण, भंडारण अउ प्रसंस्करण संबंधी कार्यशाला के होइस शुभारंभ

कोण्डागांव, 06 मार्च 2024। सोमवार के अमली संग्रहण, भंडारण अउ प्रसंस्करण बर दू दिन के कार्यशाला के शुभारम्भ केशकाल के ईको पर्यटन केन्द्र टाटामारी म होइस। एकार्यशाला म 12 जिला यूनियन के संग्राहक, समूह सदस्य, वनधन मित्र, इंटर्न, कृषक, वरिष्ठ अउ कनिष्ठ एक्सी अउ उप प्रबंधक संचालक अउ संघ मुख्यालय ले उपस्थित विशेषज्ञ, लैब एनालिस्ट संग लगभग 350 प्रतिभागी मन ह प्रशिक्षण कार्यशाला म भाग लीन। ए बेरा म खांटी जानकार मन उपस्थित प्रतिभागी मन ल अमली के संग्रहण प्रक्रिया भंडारण अउ प्रसंस्करण करके छिलका संग इमली ले आटी इमली अउ उत्कृष्ट फूल इमली प्राप्त करे अउ पलटा फूल तैयार करके पैकिंग के पध्दति के मुताबिक काम करे के अभ्यास कराए गीस। कार्यशाला म अपर प्रबंध संचालक बी. आनंद बाबू, मुख्यवनसंरक्षक कांकेर डॉ. के. मेचियो, संग्रहण विशेषज्ञ हेमन्त पांडे , वनमंडलाधिकारी केशकाल एन गुरुनाथन, उप वनमंडलाधिकारी केशकाल ले दीप प्रज्वलन करके कार्यशाला सुरू करे गीस। मुख्यवनसंरक्षक कांकेर वृत्त ह कार्यशाला के प्रतिभागी मन ल अमली के उत्कृष्ठ अउ वैज्ञानिक पध्दति ले संग्रहण अउ प्रसंस्करण करे म इमली के निर्यात होए के संभावना अउ उचित मूल्य प्राप्त होए के संबंध म जानकारी दीन। कार्यशाला म सबो प्रतिभागी मन ह उत्कृष्ठ गुणवत्तायुक्त प्रसंस्करण के अभ्यास काम म बढ़-चढ़ करके उत्साहपूर्वक भाग लीन।