छत्तीसगढ़ ल जल संरक्षण के क्षेत्र म उत्कृष्ट काम मन खातिर राष्ट्रीय स्तर म मिलीस सम्मान

राष्ट्रपति द्रौपदी मुर्मु ह नई दिल्ली म राज्य के 12 जिला मन ल करे गीस सम्मानित
प्रदेश के जल भविष्य सुरक्षित करे म ये पुरस्कार होही प्रेरणादायी : मुख्यमंत्री श्री साय
रायपुर, जल संरक्षण अऊ सामुदायिक भागीदारी के क्षेत्र म उल्लेखनीय उपलब्धि अर्जित करके छत्तीसगढ़ के 12 जिला रायपुर, गरियाबंद, महासमुंद, राजनांदगांव, बलौदाबाजार-भाटापारा, धमतरी, बालोद, बलरामपुर, बिलासपुर, रायगढ़, दुर्ग अऊ सूरजपुर ह राष्ट्रीय स्तर म नवा इतिहास रच देहे हे। विज्ञान भवन, नई दिल्ली म काली आयोजित 6वां राष्ट्रीय जल पुरस्कार अऊ जल संचय जनभागीदारी 1.0 अवार्ड समारोह म राष्ट्रपति श्रीमती द्रौपदी मुर्मु ह ए जिला मन ल सम्मानित करे हें।
मुख्यमंत्री श्री विष्णु देव साय के अगुवई अऊ संवेदनशील प्रशासनिक उदीम मन के परिणामस्वरूप छत्तीसगढ़ ह जल संरक्षण के दिशा म देशभर म विशेष पहिचान बनाय हे। पाछू दू बछर म राज्य सरकार के अभिनव उदीम अऊ जनभागीदारी ह जल संचयन के दिशा म नवा आयाम हासिल करे हे। मुख्यमंत्री ह ए जिला मन के नागरिक मन अऊ जिला प्रशासन ल अपन शुभकामना देहे हें। उमन कहिन के जल संचयन के प्रति मनखे मन म आए ये चेतना जल के समुचित उपयोग ल बढ़ावा देही। मुख्यमंत्री ह कहिन के प्रदेश के जल भविष्य सुरक्षित करे म ये पुरस्कार प्रेरणादायी होही।