आबकारी विभाग ह पकड़ीस 220 लीटर अवैध शराब, आरोपी गिरफ्तार

महासमुंद, 27 जनवरी 2021। जिला आबकारी विभाग ह 26 जनवरी के ओडिशा राज्य के 220 लीटर अवैध शराब सहित आरोपी ल गिरफ्तार करिस हे। मुखबिर के सूचना म आबकारी दल ह बोडरिदादर बाघामुड़ा मार्ग म आरोपी प्रमोद सतनामी निवासी ग्राम कुलियाबांधा थाना बेलटुकरि जिला नयापारा (ओडिशा) ल घेराबंदी करके पकड़ीस। ओखर कब्जा ले चार जूट के बोरी म भरे 1100 नग जेब्रा छाप बरामद होइस। ओडिशा निर्मित शराब प्रत्येक म 200 कुल 220 लीटर शराब जब्त करे गीस। आरोपी ल आबकारी अधिनियम के धारा 34(2) 59 के तहत न्यायालय ले रिमांड लेके जेल भेजे गीस। कार्रवाई म आबकारी उपनिरीक्षक सविता रानी मेश्राम, मधुकर श्याम हरित, कौशल सोनी के संग आबकारी मुख्य आरक्षक शिवकुमार साहू, आरक्षक इरफान अली , लेखराम देशमुख व वाहन चालक गांधीराम ठाकुर के महत्वपूर्ण भूमिका रिहिन।