सुकमा, उद्योग अउ आबकारी मंत्री श्री कवासी लखमा ह काली न्यू सर्किट हाउस म सुकमा विकासखण्ड के ग्राम निबूपदर के 26 गांव वाले मन ल व्यक्तिगत वन अधिकार प्रमाण पत्र सौंउपिन। ये बेरा म उमन बताइन कि निबूपदर के गांव वाले मन वन अधिकार मान्यता पत्र के आवेदन करे रहिन, जेमां पहिली 21 गांव वाले मन ल वन पट्टा के अधिकार मिलीस, बाकी के आवेदन निरस्त कर दे गए रहिस। निरस्त आवेदन मन के पुर्नविचार के बाद आज बांचे गांव वाले मन के पट्टा देहे गीस।
निबूपदर के ग्रामीण मांड़वी नन्दा, बोक्का माड़वी, हांदा कवासी, मड़कामी सुकड़ा, जोगा दिरदो, हुंगा वेट्टी, बंडी दुधी संग आन कुल 26 गांव वाले मन ह वन अधिकार प्रमाण पत्र प्रदान करे म मुख्यमंत्री श्री भूपेश बघेल, मंत्री श्री कवासी लखमा के प्रति आभार जताइन। उमन कहिन कि पूर्वज के समय ले ये जमीन म खेती करत रहिन, फेर मालिकाना हक नइ होए म चिंतित रहिन। अब जमीन के मालिकाना मिले ले निश्चिंत होके खेती करबो।
सुकमा के नीबुपदर के 26 गांव वाले मन ल मिलीस वन अधिकार
