रायपुर, 25 सितंबर 2020। कोरिया जिला के जल संसाधन विभाग के कार्यपालन अभियंता विनोद शंकर साहू अउ अनुविभागीय अधिकारी जल संसाधन एम एल सोनी ल राज्य शासन द्वारा तत्काल प्रभाव ले निलंबित कर देहे गे हे। उक्त दुनों अधिकारी मन के निलंबन के ये कार्यवाही कोरिया जिला के खाड़ा जलाशय के टूटे के सेती करे गे हे।
खाड़ा जलाशय के टूटे अउ एखर सेती ले 3 गांव के किसान मन के 50 हेक्टेयर रकबा के फसल के नुकसान पहुचे के मामला ल गंभीरता ले लेवत हुए जल संसाधन मंत्री रविंद्र चौबे ह एखर बर दोषी अधिकारी मन के विरुद्ध सख़्त कार्रवाई के निर्देश देहे रिहिस। खाडा जलाशय के टूटे के मामला म प्रथम दृष्टया जलाशय के प्रभारी अधिकारी अउ एसडीओ सोनी तथा कार्यपालन अभियंता साहू ल जिम्मेदार मानत हुए ओमन ल निलंबित कर देहे गे हे। शासन द्वारा ये मामला के जांच के घलो निर्देश देहे गे हे।