रायपुर, छत्तीसगढ़ राज्य स्थापना दिवस के मौका म राज्योत्सव स्थल राजधानी रायपुर के साइंस कॉलेज मैदान म 1 नवम्बर ले संचालित पंचायत अउ ग्रामीण विकास विभाग के प्रदर्शनी म महिला समूह मन कोति ले बनाए समान मन के खरीदी बर मनखे मन के खासा हुजूम उमड़त हे। स्टॉल म संचालित प्रदर्शनी अउ विक्रय केंद्र म स्वसहायता समूह मन के महिला मन कोति ले बनाय गए मोबाइल पॉकेट, केला के रेशा ले निर्मित बैग, कुकीज, माटी के दीया, सजावट के कई ठन समान, मोमबत्ती, फ्लोर क्लीनर, हैंडवॉश अऊ साबुन मन के बनेच बिक्री होवत हे। राष्ट्रीय आदिवासी नृत्य महोत्सव म भाग लेहे आए देश-विदेश के कलाकार घलोक स्टॉल के भ्रमण करके राज्य म ग्रामीण विकास के योजना मन ल देखत-समझत हें। मोजाम्बिक के कलाकार मन ह 3 नवम्बर के पंचायत अउ ग्रामीण विकास विभाग के स्टॉल पहुंचके योजना मन के जानकारी लीन।
राज्योत्सव स्थल म पंचायत अउ ग्रामीण विकास विभाग के विकास प्रदर्शनी म आकर्षक मॉडल मन के संग विभागीय योजना मन ले दर्शक मन ल रू-ब-रू कराए जात हे। मॉडल मन के माध्यम ले नरवा उपचार, स्वच्छ भारत मिशन अऊ महात्मा गांधी ग्रामीण औद्योगिक पार्क के गतिविधि मन के जानकारी प्रदान करे जात हे। विकास प्रदर्शनी म राज्य म प्रधानमंत्री ग्रामीण सड़क योजना अऊ मुख्यमंत्री ग्रामीण सड़क योजना के अंतर्गत होवत सड़क निर्माण के जानकारी घलोक प्रदर्शित करे गए हे। इहां मनरेगा (महात्मा गांधी राष्ट्रीय ग्रामीण रोजगार गारंटी योजना) के उपलब्धि मन ल घलोक दर्शाए गए हे।
महिला समूह कोति ले बनाय गए समान मन ल बिसाए खातिर मनखे मन के हुजूम
