मुख्यमंत्री श्री विष्णुदेव साय ह केंद्रीय रेल मंत्री श्री अश्विनी वैष्णव ले करिन सौजन्य मुलाकात

छत्तीसगढ़ म रेल सुविधा मन के विस्तार अऊ नवा प्रोजेक्ट्स उपर होइस परखर गोठ-बात
रायपुर, मुख्यमंत्री श्री विष्णुदेव साय ह काली नई दिल्ली म केंद्रीय रेल मंत्री श्री अश्विनी वैष्णव ले सौजन्य मुलाकात करिन। बैठक के समय छत्तीसगढ़ म रेलवे ले संबंधित कई ठन महत्वपूर्ण विषय रेल सुविधा मन के विस्तार, नवा रेल प्रोजेक्ट्स के प्रगति, अऊ प्रगतिरत परियोजना मन के पूर्णता के संबंध म विस्तृत अऊ सार्थक चर्चा होइस। मुख्यमंत्री श्री साय ह आग्रह करिन के पास होए परियोजना मन ल बेरा म पूरा करे जाए, ताकि नागरिक, उद्योग अऊ व्यापारी मन ल बेहतर परिवहन सुविधा मिल सकय। केंद्रीय रेल मंत्री श्री अश्विनी वैष्णव ह कहिन के रेलवे मंत्रालय छत्तीसगढ़ म कनेक्टिविटी ल बेहतर बनाए खातिर प्रतिबद्ध हे।
ए बेरा म मुख्यमंत्री के प्रमुख सचिव श्री सुबोध कुमार सिंह, सचिव श्री राहुल भगत, अऊ वाणिज्य अऊ उद्योग विभाग के सचिव श्री रजत कुमार उपस्थित रहिन।