रायपुर 28 जून 2024। मुख्यमंत्री श्री विष्णु देव साय के साप्ताहिक जनदर्शन काली चालू होइस। काली पहिलीच दिन प्रदेश के दूर-दराज क्षेत्र मन ले आए आम नागरिक अउ कई ठन प्रतिनिधिमण्डल ह सौजन्य मुलाकात करके मुख्यमंत्री ल अपन कई ठन मांग अउ समस्या मन ले अवगत करावत हें। जनदर्शन म मुख्यमंत्री सहज रूप ले सबो ले मुलाकात करके उंखर समस्या मन के संबंध म आवेदन लेवत हें। माता अउ बहिनी के समूह ह महतारी वंदन योजना लागू करे बर मुख्यमंत्री के प्रति आभार जतात कहिन के प्रदेश सरकार कोति ले महिला मन के खाता म हर महीन एक हजार रूपिया मिले ले उंखर हर छोटे-बड़े समस्या दूर होवत हे। ए राशि ले बहिनी मन अपन लइका मन के जरूरत ल घलोक पूरा करत हे। महतारी वंदन योजना ले माता अउ बहिनी मन ल आर्थिक रूप ले संबल मिले हे।
मुख्यमंत्री के जनदर्शन म बहिनी मन करिन मुलाकात : महतारी वंदन योजना बर मुख्यमंत्री के जताइन आभार
