दिल्ली, 3 जुलाई 2020। देश म लोगन मन के गोरा होय के जुनून ल नवा आयाम देवइया क्रीम फेयर एंड लवली अब नवा नाम ले बाजार म मिल ही। एफएमसीजी कंपनी हिंदुस्तान यूनिलीवर लिमिटेड ह अपन गोरा करे वाला क्रीम ब्रांड ‘फेयर एंड लवली ले ‘फेयर’ शब्द ल हटाके ओकर नाम ‘ग्लो एंड लवली’ कर दिस। दरअसल, अमेरिका सहित यूरोपीय देश म ‘ब्लैक लाइव्स मैटर’ आंदोलन के जोर पकड़े के बाद कंपनी ह अपन ब्रांड के नाम बदले के बात कहे रहिस। रंगभेद ल लेके उठे बवाल के बाद कंपनी ह ये नवा फइसला लिस हे।
नाम बदले जाये म कंपनी ह कहिन कि अपन ब्रांड ‘फेयर एंड लवली ले ‘फेयर’ शब्द हटाके ओकर नाम ‘ग्लो एंड लवली’ कर दे गे हे। कंपनी के अनुसार, अब ये ब्रांड नवा नाम ‘ग्लो एंड लवली होही। हिंदुस्तान यूनिलीवर लिमिटेड ह बयान जारी करके कहिन कि पुरुष मन बर ओकर प्रोडक्ट के रेंज ल अब ‘ग्लो एंड हैंडसम’ के नाम ले जाने जाही। कंपनी ह कहिन कि अगला कुछ महिना म ‘ग्लो एंड लवली’ ब्रांड रिटेल दुकान मन म बिक्री बर उपलब्ध हो जाही।