मुख्यमंत्री ले ‘जनता के फैसला’ मंच के सदस्य मन ह करिन सौजन्य मुलाकात

रायपुर, 16 जुलाई 2021। मुख्यमंत्री श्री भूपेश बघेल ले काली संझा ऊंखर निवास कार्यालय म नेशनल फाउंडेशन फॉर इंडिया के कार्यकारी निदेशक श्री बिराज पटनायक के सियानी म प्रवासी मजदूर मन के हित ले जुड़े ‘जनता के फैसला’ मंच के सदस्य मन ह सौजन्य मुलाकात करिन। मुख्यमंत्री ल श्री पटनायक ह बताइस कि पहली पइत जनता के फैसला कार्यक्रम के तहत छत्तीसगढ़ के प्रवासी मजदूर मन के हित ले जुड़े मुद्दा ल लेके मंत्री, अधिकारी, उद्योगपती अऊ समाज के गणमान्य नागरिक मन के संग प्रवासी मजदूर मन ल एके मंच म लाके मंथन करे गीस अऊ प्रवासी मजदूर मन के कल्याण बर सरकार, समाज अऊ बाजार कोति ले कार्ययोजना के संबंध म विचार-विमर्श करे गीस। ये बेरा म श्रीमती दुलारी देवी (महासमुंद) अऊ श्रीमती उर्मिला मिंज (सरगुजा) ह मुख्यमंत्री ल चिनहा भेंट करिस अऊ जनता के फैसला मंच कोति ले तियार करे गए प्रवासी मजदूर मन के कल्याण ले संबंधित कागद ल मुख्यमंत्री श्री बघेल के आगू रख के अपन बात रखिन। ये बेरा म मुख्यमंत्री के सलाहकार श्री रुचिर गर्ग अऊ जनता के फैसला मंच के श्री गंगाराम पैंकरा, श्री चिंतामन साहू, श्री कुबेर कोसरिया, श्री हेमलाल बरेठ, श्री अभिषेक नेगी अऊ आन मनखे उपस्थित रहिन।