किसान मन चिंता झन करव, खातू-बिजहा हवय भरपूर

केसीसी के जरिये किसान मन ल शून्य प्रतिशत ब्याज म ऋण के सुविधा
सुकमा, मुख्यमंत्री श्री विष्णु देव साय के सरकार निश्चित रूप ले एक किसान हितैसी सरकार हे। राज्य शासन से किसान मन के हित लाभ बर बहुत अकन योजना संचालित करे जात हे। मुख्यमंत्री श्री साय ह सबो जिला कलेक्टर मन ल स्पष्ट रूप ले निर्देशित करे हें के कोनो जिला म किसान मन बर खाद, बीज के कमी झन होव। उमन ये घलोक निर्देशित करे हें के समय म एकर उपलब्धता किसान मन बर सुनिश्वित होना चाही। सुदूर वनांचल के सुकमा जिला म घलोक खाद, बीज के भरपूर उपलब्धता के चलते अब किसान मन ल कोनो प्रकार के चिंता करे के जरूरत नइ हे। मानसून के दस्तक देतेच किसान अपन खेती-किसानी म जुट जाथें संगेच उंखर पूरा कुटुंब घलोक ए काम ले जुड़के प्रकृति ल संवारे लगथें।
सुकमा जिला म कलेक्टर के निर्देशन अउ मार्गदर्शन म हर बछर जइसे ए साल घलोक किसान मन बर समय रहत खाद अऊ बीज के भरपूर भंडारण अऊ वितरण बर समुचित व्यवस्था सुनिश्चित करे गए हे। समिति मन म किसान बिना कोनो परेशानी के निरधारित दर म गुणवत्तायुक्त खाद अऊ बीज प्राप्त करत हें।