किसान हितैषी सरकार के योजना मन ले मनखे मन बनत हें स्वालंबी

सब्जी के आधुनिक खेती ले सीताराम राजपूत कमावत हे सालाना 15-16 लाख रूपिया
मुंगेली, मुख्यमंत्री श्री विष्णुदेव साय के पारदर्शी सुशासन के परिणाम अब गाव मन म दिखे लगे हे। जिला के विकासखण्ड पथरिया अंतर्गत ग्राम क़लारजेवरा के किसान सीताराम राजपूत, पिता ईश्वर प्रसाद ह सब्जी के आधुनिक खेती अपनाके अपन मेहनत अऊ लगन ले एक नवा मिसाल कायम करे हे। राजपूत के परिवार म वोखर दादाजी अऊ पिताजी पहिलीच ले बागवानी अऊ कृषि काम करत आत हें। लगभग 10 बछर तक वोखर पिता ह परंपरागत धान के खेती करिस। उही परंपरा ल आगू बढ़ात सीताराम राजपूत ह स्नातक के पढ़ाई पूरा करे के बाद खेती ल अपन व्यवसाय बनाए के निर्णय लीस। वो ह 02 एकड़ जमीन म सब्जी के खेती के शुरुआत करिस अऊ धीरे-धीरे एला बड़का पैमाना म विस्तार दीस। आज सीताराम राजपूत सब्जी के खेती ले हर बछर लगभग 15-16 लाख रूपिया के आय अर्जित करत हे।
जिला उद्यानिकी विभाग मुंगेली के मार्गदर्शन म राजपूत ह कई ठन योजना मन के लाभ लेहे हे। एमां सब्जी मिनीकिट, कृषि यंत्र, बीज, जैविक खाद, सामुदायिक नर्सरी अऊ ड्रिप सेट जइसे आधुनिक सुविधा सामिल हे। ए संसाधन मन के उपयोग करके वो ह खेती ल लाभकारी अऊ टिकाऊ व्यवसाय के रूप देहे हे। सीताराम राजपूत ह स्वच्छ श्रीजना महोत्सव, जिला स्तरीय किसान मेला, मत्स्य पालन अऊ कृषि संगोष्ठि अऊ कई ठन कृषि प्रदर्शनी मन म सक्रिय रूप ले भाग लेके आन किसान मन बर घलोक प्रेरणादायी उदाहरण प्रस्तुत करत हे। वोखर ये उपलब्धि जिला के आन किसान मन बर एक प्रेरणास्रोत हे।