भरपूर मात्रा म किसान मन ल मिलत हे खातू अउ बीज

शासन के योजना मन के किसान मन ल मिलत हे भरपूर लाभ
प्रधानमंत्री सम्मान निधि, किसान क्रेडिट कार्ड योजना, कृषक उन्नति योजना ले होवत हे फायदा
राजनांदगांव, खेती-किसानी काम बर किसान मन म खुशी अउ उल्लास हे। शासन के किसान हितैषी योजना मन ले अन्नदाता किसान धन-धान्य ले परिपूर्ण अउ समृद्ध होवत हें। किसान सेवा सहकारी समिति ले सरलग खातू-बीज बिसावत हें। शासन के योजना मन ऊंखर बर मददगार साबित होवत हे। राजनांदगांव विकासखंड के ग्राम बोरी के किसान संजय कुमार टंडन सेवा सहकारी समिति गठुला खातू बिसाए आए रहिस। वो ह बताइस के वोखर पास 20 एकड़ जमीन हे अऊ आज वो ह यूरिया, डीएपी, पोटाश अऊ राखड़ बिसाए हे। वो ह बताइस के आज जरूरत के हिसाब ले खातू मिल गए हे। 20 एकड़ खेत म धान के रोपाई हो गए हे। वो ह कहिस के किसान क्रेडिट कार्ड योजना के तहत शून्य प्रतिशत ब्याज म 1 लाख 50 हजार रूपिया के करजा लेहे हे। जेखर उपयोग ओ ह खेती-किसानी बर करही। वो ह कहिस के सरकार कोति ले बिना ब्याज के राशि मिल जाय ले बहुत मदद होथे अऊ ये किसान मन बर लाभप्रद हे। वो ह कहिस के ओ ल प्रधानमंत्री सम्माननिधि योजना के तहत हर बछर 6000 रूपिया मिलत हे। जेखर उपयोग ओ ह खेती काम मन बर करत हे। खेती काम मन म एकदम नवा तकनीक के परयोग ले खेती के काम आसान होत जात हे। वो ह कहिस के कृषक उन्नति योजना सरकार के बेहतरीन योजना हे। जेखर तहत 3100 रूपिया प्रति क्विंटल के दर अऊ प्रति एकड़ 21 क्विंटल के मान ले धान खरीदी करे जात हे। वो ह खुशी जाहिर करत कहिस के सरकार से कृषक उन्नति योजना के दायरा ल विस्तृत करे गए हे अउ दलहन, तिलहन, मक्का के फसल लगइया ल घलोक ए योजना के लाभ मिलही। वो ह बताइस के कृषक उन्नति योजना ले धान के बिक्री करे म जेन बचत होइस ओखर उपयोग वो ह लइका मन के पढ़ाई लिखाई, घर के मरम्मत अउ आन काम मन म करिस। वो ह प्रधानमंत्री श्री नरेन्द्र मोदी अउ मुख्यमंत्री श्री विष्णु देव साय ल शासन के योजना मन बर धन्यवाद देहे हे।