बेमेतरा, बेमेतरा जिला के विकासखंड नवागढ़ मुडपार गांव के किसान हरदास/मोहर के खेत म केंद्र प्रवर्तित प्रधानमंत्री आदर्श ग्राम योजना अंतर्गत किसान ल कृषि विभाग के वरिष्ठ कृषि विकास अधिकारी श्री आर. के. चतुर्वेदी के मार्गदर्शन म गोधन न्याय योजना अन्तर्गत 5.00 कुंटल वर्मी कंपोस्ट खाद वितरण निःशुल्क धान खेत (किस्म महामाया) म प्रदर्शन बर देहे गए रहिस। जेखर 3.00 एकड़ म बुवाई के समय उपयोग करे गीस, करीबन 2 महिना बाद किसान हरदास/मोहर ह बताइस के पउर साल के तुलना म खेत के माटी आन खेत के तुलना म नरम हो गए हे अऊ जमीन के जल धारण क्षमता म बढ़ोतरी हो गए हे सूखा के स्थिति म घलोक खेत म नमी संचित हे अऊ धान के फसल आन क्षेत्र के तुलना म जादा हरियर दिखात हे अऊ कीट व्याधि के प्रकोप कम होए हे। अऊ किसान के वर्मी कंपोस्ट उपयोग करे म अभी हाल फसल म लाभ दिखे म वोकर कहना हे के अवइया साल वो ह अपन जम्मो खेत म वर्मी कंपोस्ट खाद के उपयोग करही। किसान हरदास वर्मी कंपोस्ट उपयोग के लाभ ले संतुष्ट हे।
हरदास करत हे वर्मी कम्पोस्ट के उपयोग
