रायपुर, 04 जून 2020। मुख्यमंत्री श्री भूपेश बघेल ल पाटन विधानसभा क्षेत्र के गांव सांकरा के किसान श्री मनोज वर्मा ह राज्य म कोरोना संक्रमण के रोकथाम अऊ जरूरतमंद मन के मदद बर मुख्यमंत्री सहायता कोष म 11 हजार रूपिया के चेक भेंट करिस। मुख्यमंत्री श्री भूपेश बघेल के निवास कार्यालय म काली पाटन विधानसभा क्षेत्र के कई ठन ग्राम पंचायत के सरपंच-पंच संग जनपद सदस्य अउ किसान मन सौजन्य मुलाकात बर आए रहिन। कृषक श्री मनोज वर्मा ह मुख्यमंत्री ल बताइस के राजीव किसान न्याय योजना के तहत ओ ल पहिली किस्त के रूप म 11 हजार रूपिया के राशि मिले हे। जऊन ल वो कोरोना पीड़ित मन के सहायता बर देवत हे। मुख्यमंत्री श्री बघेल ह कृषक मनोज वर्मा ल जरूरतमंद मन के सहायता बर देहे गए सहयोग राशि बर उंखर आभार जताइन।
मुख्यमंत्री सहायता कोष म किसान मनोज वर्मा ह दीन 11 हजार रूपिया
