रबी सीजन म मूंगफली के खेती करके किसान शंभू बनिस सशक्त

धान के फसल ल बदलके शुरू करिस मूंगफली के खेती
जशपुर, जिला के विकासखण्ड बगीचा के ग्राम बिमड़ा निवासी श्री शंभू साय रबी सीजन म धान के फसल ल बदलके मूंगफली के खेती करके आम के आम, गुठलियों के दाम वाले कहावत ल सार्थक करत हे। दरअसल बात ये हे के मूंगफली के खेती ले मूंगफली के वाजीब दाम तो मिलतेच हे, मूंगफली ले तेल घलोक मिलत हे अऊ ओखर अवशेष (खली) पशु आहार बर उपयोग म घलोक ले जात हे।
जानबा हे कि बगीचा विकासखण्ड के ग्राम बिमड़ा निवासी शंभू साय ह ग्रामीण कृषि विस्तार अधिकारी अऊ जिला प्रशासन के सहयोग ले धान के बलदा ग्रीष्मकालीन मूंगफली के खेती शुरू करिस। राष्ट्रीय खाद्य सुरक्षा मिशन के तहत ओ ल 40 किलोग्राम मूंगफली बीज कृषि विभाग कोति ले निःशुल्क प्रदान करे गीस। जेखर से कृषक श्री साय ह 0.400 हे. रकबा म मूंगफली फसल के खेती शुरू करिस। किसान श्री शंभु साय ह बताइस के विभाग ले ओ ल बीज के संगें-संग सूक्ष्म पोषक तत्व खाद अउ दवाई घलोक देहे गीस। जेखर से उनला कृषि काम करे म कम लागत लगिस अउ समय-समय म कृषि विभाग के अधिकारी मन ह खेत के निरीक्षण करके जरूरी सलाह अउ मार्गदर्शन दीन, जेखर से उंखर फसल अड़बड़ बढि़या स्थिति म हे। फसल के उपज अच्छा होए अउ अभी अभी हाल म बाजार भाव अच्छा मिले म अच्छा आमदनी होए लगे हे।
जानबा हे के मुख्यमंत्री श्री विष्णुदेव साय के मंशानुरूप जिला के किसान मन ल अच्छा आमदनी मिलय अऊ किसान आर्थिक रूप ले सशक्त होवय एखर बर कृषि अऊ उद्यान विभाग कोति ले किसान मन ल रबी सीजन म दलहन, तिलहन, औषधि फसल के संग कम पानी म जादा आमदनी वाले फसल मन के खेती करे बर प्रोत्साहित करे जात हे। संगेच किसान मन ल विभागीय योजना मन ले मिलनइया लाभ मन के जानकारी देके उन्नत कृषि करे म मार्गदर्शन अउ सहयोग घलोक करे जात हे।
कृषक श्री शंभु ह बताइस के वोखर पास कुल 2.919 हेक्टर जमीन हे पहिली रबी सीजन म धान के खेती करत रहिस जेखर से खेती के खर्चा बहुत जादा अउ उत्पादन अपन इच्छा के मुताबिक नइ मिल पात रहिस। पानी के खपत घलोक बहुत जादा होत रहिस। ग्रामीण कृषि विस्तार अधिकारी ले सम्पर्क करके अऊ कृषि विभाग के कई ठन योजना के सम्बन्ध म जानकारी लेके अब योजना के लाभ लेत अच्छा खेती करत हे अऊ आर्थिक रूप ले सशक्त होए हे। किसान श्री शंभु ह शासन-प्रसाशन के सहयोग अउ राज्य सरकार कोति ले किसान मन के हित म अच्छा योजना संचालित करे बर मुख्यमंत्री श्री विष्णुदेव साय अऊ कृषि मंत्री श्री रामविचार नेताम के प्रति आभार व्यक्त करे हे।