बिलासपुर, 28 अप्रैल 2020। राज्य शासन के महत्वाकांक्षी नरवा, गरूवा, घुरूवा अऊ बारी योजना के अंतर्गत बिलासपुर जिला के मस्तूरी विकासखंड के ग्राम रिस्दा म 18 किसान मन 65 एकड़ म गरमी के सीजन वाले मूंग के बोनी करे हें। मूंग के लहलहात फसल ल देखके किसान सुग्धर उपज बर गदगद हें।
ग्राम रिस्दा म मूंग के फसल अभी हाल म 15 दिन ले जादा के हो गे हे। किसान मन ल समय-समय म कृषि विभाग के मैदानी अधिकारी, कर्मचारी मन समसामयिक सलाह अउ मार्गदर्शन देवत हें। संगेच कृषि विभाग के कर्मचारी मन खेत मन म जाके फसल के अवलोकन घलोक करत हें। जानबा हे के छत्तीसगढ़ शासन के महत्वाकांक्षी नरवा, गरूवा, घुरूवा अऊ बारी कार्यक्रम के अंतर्गत पहिली चरण म चुने गए 97 गौठान के गांव मन म जिला कलेक्टर के मार्गदर्शन म प्राथमिकता के आधार म कई लाभदायी फसल के उत्पादन बर विशेष जोर देवत हे। उहें पशु मन के खुला छोड़े उपर प्रतिबंध लगे ले किसान निश्चिंत होके खेती करत हें। अब ओ मन ल अपन फसल के पशु मन कोति ले हानि होए के कोनो डर नइ हे।