आधुनिकतम पैडी ट्रांसप्लांटर मशीन ले रोपाई करके बचावत हे अपन धन अउ समय
किसान हितैषी योजना मन के संचालन बर किसान मन ह जताइन आभार
बालोद, मुख्यमंत्री श्री विष्णुदेव साय के सुशासन म बालोद जिला म किसान मन के जीवन म एक नवा बदलाव देखे ल मिलत हे, ये बदलाव किसानी काम म नवा तकनीक के परयोग लेके आए हे। जिला म किसानी काम म नवा तकनीक के परयोग ल बढ़ावा देहे बर सरलग प्रयास करे जात हे, जेखर से किसान कम लागत अऊ कम समय म बेहतर उत्पादन हासिल करत हें अऊ ओ मन समृद्धि के रद्दा म तेजी से आगू बढ़त हें। ये बदलाव न केवल किसान मन के मेहनत ल आसान बनावत हे, बल्कि ऊंखर चेहरा म खुशी अऊ आत्मविश्वास घलोक लावत हे।
बालोद जिला के गुण्डरदेही विकासखंड के ग्राम खल्लारी के किसान डिकेश्वर साहू एकर बेहतर मिसाल बन गे हे। साहू के बताती ओ ह अपन खेत मन म अब धान के रोपाई बर पैडी ट्रांसप्लांटर मशीन के उपयोग करत हे, जेन वोखर बर एक क्रांतिकारी कदम साबित होवत हे। पहिली ओ ह ए काम बर मजदूर न उपर निर्भर रहत रहिन, जेमां न केवल समय के अधिकता लगत रहिस, बल्कि लागत घलोक अड़बड़ बाढ़ जात रहिस। फेर अब पैडी ट्रांसप्लांटर मशीन के उपयोग ले ओ ह कम समय म ही अपन खेत मन म रोपाई के काम सुचारू रूप ले पूरा कर लेत हे। साहू ह कहिस के शासन के नीति अऊ कृषि विभाग के मार्गदर्शन ह हमला नवा तकनीक ले जोड़े हे। पहिली बहुत अकन मजदूर मन के व्यवस्था करे अऊ उंखर से काम लेहे म अड़बड़ पइसा लगत रहिस, एखर से वोखर खेती काम के लागत बाढ़ जात रहिस, फेर अब नवा तकनीक के उपयोग ले समय अऊ पइसा दुनों के बचत होवत हे अऊ किसानी काम म काफी मुनाफा होवत हे।
किसान साहू ह कहिस के प्रधानमंत्री श्री नरेन्द्र मोदी अऊ मुख्यमंत्री श्री विष्णुदेव साय के सुशासन ह हमार जीवन ल आसान बनाय हे। ऊंखर किसान हितैषी निर्णय अऊ योजना मन के संचालन ले अब हम कृषि विभाग कोति ले सरलग मार्गदर्शन मिलत हे, जेखर से किसान मन ल खेती काम म काफी मुनाफा होय हे। इही गांव के एक आन किसान बिसाली राम ह घलोक ए बदलाव के कहानी ल साझा करिस। वो ह बताइस के पहिली ओ ह मजदूर मन के माध्यम ले खेत म रोपाई के काम करत रहिस, फेर अब पैडी ट्रांसप्लांटर मशीन के परयोग ले ओखर काम न केवल तेज होय हे, बल्कि लागत म घलोक कमी आए हे। वो ह कहिस के आज हमर खेत बेहतर रोपाई अऊ कम मेहनत ले तैयार होवत हे, जेखर से हम अड़बड़ खुश हन। उमन केंद्र अऊ राज्य सरकार के किसान हितैषी योजना मन किसान सम्मान निधि अऊ किसान उन्नति योजना के सराहना करत कहिन के प्रधानमंत्री श्री नरेन्द्र मोदी अऊ मुख्यमंत्री श्री विष्णुदेव साय कोति ले संचालित योजना मन किसान मन के समृद्धि के दुवार खोलत हे। उमन शासन ल धन्यवाद देवत कहिन के ए योजना मन ह ऊंखर जीवन म नवा भरोसा जगा देहे हे। बालोद जिला म ये बदलाव केवल व्यक्तिगत नइ हे, बल्कि किसान मन के सामुदायिक उन्नति के चिनहारी हे। कृषि विभाग कोति ले आयोजित प्रशिक्षण शिविर मन अऊ तकनीकी सहायता के माध्यम ले किसान मन ल नवा मशीन अऊ विधि मन ले परिचित कराए जात हे। पैडी ट्रांसप्लांटर, ड्रोन स्प्रेयर, अऊ आन आधुनिक उपकरण मनके उपयोग अब जिला के कई गांव मन म देखे ल मिलत हे, जेन न केवल उत्पादन बढ़ावत हे, बल्कि किसान मन के आय म घलोक इजाफा करत हे।
