महासमुंद, 13 जुलाई 2020। महासमुंद जिला म सनिवार अऊ इतवार के होए ब रसा ह किसान मन के भरोसा ल बढ़ा दिए हे। पानी बरसिस त किसान मन खुशी ले झूम उठिन। ये बरसा किसान मन बर एक प्रकार ले वरदान के रूप म आइस। पाछू कई दिन ले बरसा नइ होए ले किसान मन बनेच परेशान रहिन। उमन ल अपन फसल के बर्बाद होए के चिंता सतावत रहिस।
मानसून आए के बाद जिला म खरीफ के बुआई घलोक हो गे हे अऊ धान के संग आन फसल घलोक खेत मन म नजर आए लगे हे फेर बीच के बेरा मर अगास ले बादर गायब हो गए रहिस अउ जारदरहा गर्मी ले मनखे बेहाल होत रहिन। अइसन म खेत के फसल घलोक मुरझाए लगे रहिस। ये देखके किसान मन के चिंता बाढ़ गए रहिस। फेर बीते हप्ता म होए बरसा ले किसान मन खुस हो गए हें।
