किसान क्रेडिट कार्ड ले पशुपालन अऊ मत्स्यपालन बर मिलही करजा

नारायणपुर 12 मार्च 2020। किसान क्रेडिट कार्ड के जारिए भारत सरकार कृषि प्रक्षेत्र ले जुड़े किसान मन ल सस्ता दर म संस्थागत ऋण उपलब्‍ध कराथे। एखर से न सिरिफ उत्पादन ल बढ़ाए म मदद मिलथे भलुक एखर संगेच कृषि उत्पादकता म घलोक बढ़ोतरी होथे। किसान क्रेडिट कार्ड ल समय-समय म बदलाव करके किसान मन बर अऊ जादा सुविधाजनक बनाय गए हे। साल 2019-20 ले किसान क्रेडिट कार्ड ल पशुपालन अऊ मत्स्य पालन ले घलोक जोड़ दे गए हे। ताकि किसान अब पशुपालन अऊ मत्स्य पालन जइसे काम बर आसानी ले ऋण ले सकयं।