बलौदाबाजार, अभी हाल म मानसून सीजन के समय हे अइसन म किसान मन बर समय म खाद अउ बीज़ के इंतजाम करना कोनो चुनौती ले कम नइ होवय। शासन-प्रशासन कोति ले किसान मन ल खाद बीज समय म उपलब्ध कराए बर समिति मन म अग्रिम भण्डारण बर अवश्यक निर्देश अधिकारी मन ल देहे गए हे। समय म बीज़ व उर्वरक मिले ले किसान मन के खेती-किसानी के चिंता दूर हो गए हे।
बलौदाबाजार जिला के ग्राम परसाभदेर (च) निवासी किसान संतोष कुमार निषाद हर साल जइसे ए पइत घलोक अपन खेत मन म मेहनत करत हे। लगभग 7 एकड़ ज़मीन म खेती करइया संतोष निषाद के चेहरा म चिंता के लकीर तब उभर आए रहिस, जब ओ ल लगिस के कहूं ए पइत खाद मिले म देरी झन हो जाय। खाद के समय म उपलब्धता हर किसान बर कोनो राहत ले कम नइ होवय। इही सोचके वो सेवा सहकारी समिति बलौदाबाजार पहुंचिस। फेर ए पइत नज़ारा कुछ अऊ रहिस। न कोनो भीड़, नइ कोनो भागदौड़। व्यवस्था अतका सुगम रहिस के ओ ल तुरंते अऊ भरपूर मात्रा म खाद मिल गे। खाद हाथ म आतेच संतोष के आंखी म एक चमक आ गे। वो ह कहिस, पहली पइत अइसन लगिस के सरकार सच म हमार बारे म सोचत हे। खाद लेहे म कोनो दिक्कत नइ आईस, समय घलोक बचिस अऊ मेहनत घलोक। एखर से अब खेत के बुवाई समय म हो पाही। ए व्यवस्था ले प्रभावित होके वो ह मुख्यमंत्री श्री विष्णु देव साय धन्यवाद दीस। ओखर कहना रहिस, मुख्यमंत्री जी के किसान हितैषी सोच के सेती आज हमर जइसे छोटे किसान घलोक आत्मनिर्भर बन पात हें।
समय म खाद-बीज मिले ले किसान मन हवय खुस
