मिर्च (मिरचा) के खेती ले किसान सायो ल मिलीस आमदनी के नवा रद्दा

रायपुर, मुख्यमंत्री श्री विष्णुदेव साय ह किसान मन ल आर्थिक रूप ले सशक्त बनाए खातिर किसानी के के संग आन फसल मन ल लेहे खातिर प्रोत्साहित करत हे। उद्यानिकी विभाग ह किसान मन ल उद्यानिकी फसल अऊ साग सब्जी के खेती खातिर प्रेरित करत हे, ताकि ओ मन ल रोजगार के अवसर उपलब्ध हो सकय अऊ किसान मन के आय म सरलग बढ़ोतरी हो सकय। उद्यानिकी विभाग के संग किसान मन ल आधुनिक तकनीक ले खेती करे खातिर प्रशिक्षण तको देहे जात हे। किसान मन ल उद्यानिकी विभाग कोति ले तकनीकी प्रशिक्षण देके उन्नत फसल उत्पादन करे खातिर बढ़ावा घलोक देहे जात हे।
जेखर से प्रेरित होके किसान पारंपरिक फसल के जगा बागवानी अऊ सब्जी के खेती कोति आगू बढ़त हे।
अइसनहे मनोरा विकासखण्ड के ग्राम केराकोना रहवइया किसान श्री सायो ह घलोक उद्यानिकी विभाग ले तकनीकी मार्गदर्शन लेके उद्यानिकी फसल कोति आगू बढ़त हे। जिहां उद्यानिकी विभाग ह वोखर खेत के परिक्षण अऊ परिस्थिति मन के जांच करके ओ ल मिर्च (मिरचा) खेती के सुझाव दीस, जेल मान के श्री सायो ह अपन खेत म मिर्च (मिरचा) के खेती चालू करिस।
ए संबंध म किसान श्री सायो ह बताइस के उद्यानिकी विभाग ले ओ ल, मिर्च (मिरचा) के महत्व अऊ लाभ के विसय के बारे म तकनीकी मार्गदर्शन मिलिस जेकर पाछू वो ह अपन कुल 3.6 हेक्टेयर के जमीन म ले 0.3 हेक्टेयर जमीन म मिर्च (मिरचा) के उत्पादन चालू करिस। स्थानीय बाजार के संग तीर-तखार के मंडी मन म मिर्च (मिरचा) के भरपूर मांग ल देखत विभागीय अधिकारी मन के मार्गदर्शन म वो ह बने सहिन काम करिस। जेकर से ओ ल बनेच आमदनी होवत हे। वो ह बताइस के पारंपरिक फसल मन के जगा मिर्च (मिरचा) के उत्पादन ले मोला दुगुना आमदनी होवत हे। अवइया फसल साल म मिर्च (मिरचा) के फसल अऊ जादा रकबा म लेहे के मैं अब तियार करत हंव।