रायपुर 26 मई 2020। मुख्यमंत्री श्री भूपेश बघेल ले आज इहां ऊंखर निवास कार्यालय म महासमुंद जिला के किसान मन ह सौजन्य मुलाकात करके राजीव गांधी किसान न्याय योजना शुरू करे बर आभार व्यक्त करिन। ये बेरा म श्री आलोक चन्द्राकर के सियानी म आए किसान मन ह कोरोना संक्रमण ले बचाव अऊ जरूरतमंद मन के सहायता बर एक लाख 77 हजार रूपिया के चेक मुख्यमंत्री ल सौंपिन।
मुख्यमंत्री श्री बघेल ह महासमुंद जिला ले आए किसान मन कोति ले जरूरतमंद मन के सहायता बर देहे गए योगदान के सराहना करिन। उमन कहिन के ये संकट के घड़ी म सरकार किसान मन के संग हे। खेती किसानी बर ओ मन ल हर संभव मदद करे जाही। मुख्यमंत्री सहायता कोष म महासमुंद जिला के जऊन 25 किसान मन ह सहायता राशि देहे हें। ओमां श्री श्रीचन्द गोलछा, श्री संतकुमार पटेल अऊ श्री प्रकाशचंद्र पटेल ह 21-21 हजार रूपिया, श्री राजेन्द्र चन्द्राकर, श्री शिवप्रसाद, श्री प्यारेलाल, श्री केशव अऊ श्री डंकाधर चौधरी ह 11-11 हजार रूपिया, श्री शरद पटेल ह 7100 रूपिया, श्री लीलाकांत पटेल, श्री तिलक पटेल, श्री श्रवण पटेल, श्री स्मृति देवांगन, श्री लक्ष्मीशंकर दीवान अऊ श्री किसन पटेल ह 51-51 सौ रूपिया, श्री अधिकारी नायक ह 5000 रूपिया, श्री संतोष पटेल, श्री चन्द्रशेखर बाघ ह 31-31 सौ रूपिया, श्री नंदलाल पटेल ह 2500 रूपिया, श्री विश्वजीत बेहरा ह 21 सौ रूपिया, श्री ऋषभ, श्री तुकाराम साहू, श्री चरणजीत छाबड़ा, श्री रमेश रात्रे अऊ श्री देवेश साहू ह 11-11 सौ रूपिया के योगदान देहे हें।
